Azərbaycanda ilk dəfə nazir işğaldan azad olunmuş ərazidə qəbul keçirəcək

Print Friendly, PDF & Email

Azərbaycanda ilk dəfə nazir işğaldan azad olunmuş ərazidə vətəndaşlar üçün qəbul keçirəcək.

AzToday.az “Report”a istinadən xəbər verir ki, ədliyyə naziri Fikrət Məmmədov Cəbrayıl rayonunun Cocuq Mərcanlı kəndində Cəbrayıl, Füzuli və Beyləqan rayonlarının sakinlərini qəbul edəcək. Qəbul fevralın 23-də olacaq.

Qeyd edək ki, Cocuq Mərcanlı kəndi 1993-ci ildə Ermənistan Respublikası Silahlı Qüvvələri tərəfindən işğal edilib. Azərbaycan ordusunun 1994-cü ilin əvvəlində keçirdiyi Horadiz əməliyyatı zamanı kənd erməni işğalından azad olunub. Lakin həmin kəndə aid Lələ təpə yüksəkliyi erməni işğalçılarının əlində qaldığından Cocuq Mərcanlıda yalnız bir azərbaycanlı ailəsi yaşayırdı. 2 aprel 2016-cı ildə Cocuq Mərcanlı kəndində yerləşən Lələ təpə yüksəkliyi Azərbaycan Ordusu tərəfindən işğaldan azad edilib. Bundan sonra kənd yenidən qurulub, burada yeni evlər tikilib, müvafiq infrastrukturun tikintisi aparılıb, əhali kəndə köçüb. Keçən il iyunun 17-də Prezident İlham Əliyev Cocuq Mərcanlı kəndində görülən işlərlə tanış olub, sakinlərlə görüşüb.

...