“Dostunu “Nar”-a gətir”, pul qazan!

Print Friendly, PDF & Email

10 illik yubileyini qeyd etməyə hazırlaşan “Nar” öz istifadəçiləri üçün xüsusi təklif hazırlayıb. Belə ki, öz dostları və ya yaxınlarını “Nar” ailəsinə gətirmiş hər bir istifadəçi operatordan balans üçün “mobil pul” qazanır. Başqa sözlə, “Dostunu “Nar”-a gətir” kampaniyasından faydalanmaq üçün öz dost və yaxınlarına “Nar” ailəsinə qoşulmağı tövsiyə etmiş hər bir kəsin balansına 5 ay müddətində hər dəfə dostunun öz balansını artırdığı məbləğdə pul gəlir.

Kampaniyada iştirak etmək üçün yeni abunəçi “Nar”-ı ona tövsiyə etmiş şəxsin nömrəsini SMS vasitəsilə 7774 qısa nömrəsinə göndərməlidir. İştirakçıların nömrələri iki iş günü ərzində kampaniyaya qoşulur. Yeni abunəçi 5 ay ərzində hər dəfə öz balansını artırdıqda, “Nar”-ı ona tövsiyə etmiş dostu da öz nömrəsinin balansı üçün eyni məbləğdə pul qazanır. Bu məbləğ şəbəkədaxili zənglər və SMS-lər üçün istifadə edilə bilər. Bir nəfərin tövsiyəsi ilə nə qədər çox dostu “Nar” ailəsinə gəlsə, hər dəfə dostlarının öz balanslarını artırması ilə tövsiyəçi də o qədər çox pul qazanır. Dostunu “Nar”-a gətirərkən, hər iki nömrənin balansına bonuslar gəlir. Yeni abunəçi kampaniyaya qoşulduqdan sonra hesabını ilk dəfə artırdıqda, balansına həmin məbləğdə bonus qazanır. Bu bonus 150 gün müddətində istifadə edilə bilər.

“Dostunu “Nar”-a gətir” kampaniyasında 90 gündən az olmayaraq şəbəkədə aktiv olmuş cari abunəçilər iştirak edə bilərlər. Nömrəni aldıqdan sonra yeni “Nar” abunəçisinin tövsiyəçi dostunun nömrəsini 5 gün ərzində SMS vasitəsilə 7774-ə göndərmək imkanı var. “Dostunu “Nar”-a gətir” kampaniyasının iştirakçısı olan yeni abunəçi də öz dostlarını və tanışlarını şəbəkəyə dəvət edə və balansına pullar qazana bilər.

Qeyd edək ki, əldə olunan məbləğ yalnız rabitə xidmətləri üçün təqdim edilir, pul ekvivalenti şəklində verilmir və ya məhsul/xidmətlə dəyişdirilmir. Həmin məbləğ mobil köçürmələr, internet paketlərinin sifarişi, qısa nömrələrə zənglər və ya kontent provayderlərin ödənişli xidmətləri üçün istifadə edilə bilməz. Bir nəfərin “Nar” ailəsinə gətirdiyi dostlarından maksimum 5 yeni abunəçi onun nömrəsini 7774-ə göndərə bilər.

Ətraflı məlumat üçün www.nar.az saytına daxil olmaq və ya 777 qısa nömrəsinə zəng etmək, eləcə də sosial şəbəkələrdə 24 saat fəaliyyət göstərən “Nar” dəstək xidmətindən istifadə etmək lazımdır.

...