Xavi “Barselona”dan illik 12 milyon avro istəyir

“Barselona” baş məşqçisi Xavinin yeni müqavilə ilə bağlı maliyyə tələblərini yerinə yetirməyə hazır deyil.

Qol.az xəbər verir ki, bu barədə “Cadena SER” məlumat yayıb. 43 yaşlı mütəxəssis vergilərdən sonra illik 12 milyon avro maaş tələb edir.

Hazırda məşqçi ilə “Barselona”nın mövqeləri bir-birindən çox uzaqdır.

Qeyd edək ki, Xavinin klubla 30 iyun 2024-cü ilə qədər müqaviləsi var.

Ötən mövsüm “Barsa” çempionluq və İspaniya superkubokunu qazanıb.