Türkiyədə avtobuslar qiymətləri ikiqat artırıb
Türkiyədə gediş-gəliş məhdudiyyəti qaldırıldıqdan sonra sərnişinlər avtovağzallarda sıxlıq olduğunu və bilet qiymətinin artdığını bilidirblər
AzToday.az “cumhuriyet.com.tr”yə istinadən xəbər verir ki, Türkiyədə koronavirusu tədbirlərinə tətbiq olunan ölkədaxili gediş-gəliş məhdudiyyəti qaldırıldıqdan sonra vətəndaşlar avtobus biletlərinin qiymətinin iki dəfə artdığını bildirib.
Verilən məlumata görə, yeni normallaşma prosesi çərçivəsində 81 vilayət arasında gediş-gəliş məhdudiyyəti qaldırıldığı üçün Bayrampaşadakı 15 İyul Demokratiya Avtobus Terminalında sıxlıq başlayıb. Sərnişinlər isə bildiriblər ki, biletlərin qiyməti iki dəfə artıb.
Gediş-gəliş qadağası qaldırıldıqdan sonra qiymətlərin artmasına münasibət bildirən nəqliyyat şirkətləri isə sosial məsafənin saxlanması, yanacaq qiymətlərinin yüksək olmasını əsas gətiriblər, eyni zamanda Nəqliyyat Nazirliyinin müəyyən etdiyi tariflə işlədiklərini bildiriblər.
AzToday.az