ABŞ Türkiyənin İsveçin NATO-ya daxil olmaq üçün ərizəsini təqdir etməsini alqışlayır
Çərşənbə axşamı ABŞ bildirib ki, İsveçin NATO-ya daxil olmasına dair protokolların təsdiqilə bağlı Türkiyə parlamentinin qərarını “alqışlayır”, Turan-ın Vaşinqton müxbiri məlumat verib.
“İsveçin Alyansa üzvlüyü onu həmişəkindən daha güclü və daha birləşmiş edəcək”, – çərşənbə axşamı Ankarada Türkiyə parlamenti İsveçin NATO-ya üzv olmasına səs verdikdən (287 lehinə, 55 əleyhinə) sonra dövlət katibi Entoni Blinken deyib. Bu, Vaşinqtonun iştirakı ilə İsveçlə təxminən 20 ay sürən diplomatik danışıqların nəticəsidir.
Ağ Evin milli təhlükəsizlik üzrə müşaviri Ceyk Sallivan deyib: “İsveç müdafiə üzrə güclü və bacarıqlı tərəfdaşdır. Onun NATO-ya üzvlüyü ABŞ və alyansı daha təhlükəsiz və güclü edəcək”. İndi prezident Rəcəb Tayyib Ərdoğan, sadəcə, ratifikasiyanı imzalamalı və onu qanuna çevirməlidir ki, nəticədə Macarıstan İsveçin 31 üzvdən ibarət alyansa daxil olmaq üçün ərizəsini hələ qəbul etməyən son NATO ölkəsi olaraq qalacaq.
Çərşənbə axşamı Macarıstanın baş naziri Viktor Orban bildirib ki, ratifikasiyanı müzakirə etmək üçün görüşlə bağlı İsveçin baş naziri Ulf Kristerssona məktub göndərib.
