“Bayern Münhen”in müdafiəçisi İngiltərə yolunda – 3 namizəd açıqlandı

Qış transfer pəncərəsində “Mançester Yunayted” rəhbərliyi üçün əsas hədəf yeni mərkəz müdafiəçisi ilə güclənmək olacaq.

Fanat.az xəbər verir ki, informasiyanı tanınmış jurnalist Nikolo Skira öz “Twitter” hesabı üzərindən yayıb.

Məlumata görə, “qırmızı şeytanlar”ın baş məşqçisi Erik ten Haq komandanın oyununa ən uyğun hesab etdiyi mərkəz müdafiəçilərinin siyahısını hazırlayıb. Bu oyunçular arasında “Bayern Münhen”dən Matteys de Liqt, “Benfika”dan Antoniu Silva və “Nitsa”dan Jan-Kler Todibonun da adı var.