Futbolla bağlı inqilabi qərarlar veriləcək – Martda
Beynəlxalq Futbol Assosiasiyaları Şurası (IFAB) təşkilatın illik ümumi yığıncağında təmiz oyun vaxtının artırılması üçün mümkün tədbirləri nəzərdən keçirəcək.
Aut.az xəbər verir ki, bu barədə məlumatı IFAB-ın mətbuat xidməti yayıb. İngiltərə Futbol Assosiasiyasının (FA) rəhbəri Debbi Hevittin sədrliyi ilə keçiriləcək iclas martın 4-də Londonda baş tutacaq.
Tədbirdə əlavə vaxt hesablamalarına daha sərt diqqət yetiriləcək və kiçik və həvəskar liqaların rəsmilərinə, oyunçularına və komanda rəsmilərinə hörmətin artırılması tədbirləri nəzərdən keçiriləcək.
Bundan əlavə, IFAB VAR-dan istifadə etdikdən sonra hakim qərarlarının ictimai izahatının sınaqdan keçirilməsini, həmçinin futbolçularda beyin sarsıntısı şübhəsi yarandıqda, əlavə əvəzetmələri müzakirə edəcək.