Prezident sərəncam imzaladı: 5 milyon manat ayrıldı

Azərbaycan Respublikasının Prezidenti İlham Əliyev Lənkəran–Lerik avtomobil yolunun yenidən qurulması ilə bağlı sərəncam imzalayıb.

AzToday.az xəbər verir ki, sərəncama əsasən Lənkəran–Lerik avtomobil yolunun yenidən qurulması məqsədi ilə Azərbaycan Respublikasının 2018-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Avtomobil Yolları Dövlət Agentliyinə ilkin olaraq 5,0 (beş) milyon manat vəsait ayrılıb.