Günün transfer xəbərləri: Hazar və Di Mariya da MLS-ə gedə bilərlər
Futbol insayderləri, tanınmış idman nəşrləri və xəbər agentlikləri klubların transfer çalışmaları ilə bağlı maraqlı məlumatlar yayımlayır.
Jurnalist Saşa Tavolyeri: “Real Madrid”in hücumçusu Eden Hazar kral klubundan ayrıldıqdan sonra karyerasını başa vurmayacaq. Belçikalı futbolçu MLS klublarından birinə keçə bilər.
“TyC Sports”: “Yuventus”un ulduz futbolçusu Anxel Di Mariyada karyerasını ABŞ-da davam etdirə bilər. Argentina millisinin yarımmüdafiəçisi “İnter Mayami”nin hədəfindədir.
Qeyd edək ki, “İnter Mayamki” bir neçə gün Lionel Messinin də transferini gerçəkləşdirib.
İnsayder Fabritsio Romano: “Mançester Siti” “Çelsi”nin futbolçusu Mateo Kovaçiç ilə şəxsi müqavilənin şərtlərində anlaşıb. Xorvatiyalı yarımmüdafiəçisi özü “şəhərlilər”in heyətinə keçmək arzusundadır. Ancaq klublar transfer qiyməti barədə razılaşmalıdırlar. Tərəflər arasında danışıqlar Çempionlar Liqasının final oyunundan sonra aparılacaq.
***
Rəsmi: Azərbaycan millisinin sabiq çalışdırıcısı Robert Prosineçki Xorvatiyanın “Rudeş” komandasının baş məşqçisi təyin olumub. 54 yaşlı mütəxəssisin müqaviləsinin müddəti açıqlanmayıb.
Rəsmi: Türkiyənin “Sivasspor” klubunun baş məşqçisi Rıza Çalımbay postunu tərk edib. 60 yaşlı mütəxəssinin komandası ilə müqaviləsinin müddəti başa çatıb. Çalımbay Sivas təmsilçisi ilə sözləşməni yeniləmək istəməyib. (Fanat.az)
