Azərbaycan minaların təmizlənməsində Ukraynaya kömək edəcək

Azərbaycan Ukraynaya minalardan təmizləmə maşını verəcək və mina təmizləyənlərə təlim keçəcək. Bu barədə Ukraynanın daxili işlər nazirinin müavini Boqdan Drapyatıyın Azərbaycanın Ukraynadakı səfiri Seymur Mərdaliyevlə görüşü zamanı məlum olub.

Tərəflər minalardan təmizləmə və bu istiqamətdə Azərbaycanın yardım məsələlərini müzakirə ediblər. Səfir Mərdaliyev Ukraynaya yardım paketinin həcminin artdığını bildirib.

O əlavə edib ki, Bakı minalardan təmizləmə sahəsində ukraynalı mütəxəssislər üçün təlimlər keçirəcək ölkələrin siyahısına qoşulur.

Bundan əlavə, Azərbaycan tərəfi Ukraynaya daxil olacağı yeni yardım paketini elan edib. Yardım paketinə mexanikləşdirilmiş mina təmizləmə maşını daxildir.