Paşinyan: “Gələcək üçün də bütün məsuliyyət mənim üzərimdədir”
Ermənistanın Baş naziri Nikol Paşinyan atəşkəs razılaşmasından sonra özünü daha çox müdafiə etməyə çalışırdı.
Hökumət rəhbəri zamanla başa düşdü ki, Qarabağ məğlubiyyətinə görə məsuliyyəti tamamilə boynundan ata bilməyəcək.
Bizimyol.info xəbər verir ki, hökumətin iclasında danışan Paşinyan təkcə bu günə görə məsuliyyət daşımadığını deyib.
“Çox ağır dövr yaşayırıq. Baş nazir kimi bu vəziyyətə görə məsuliyyəti tamamilə üzərimə götürürəm. Amma eyni zamanda anlayıram ki, gələcək üçün də bütün məsuliyyət mənim üzərimdədir”.
Paşinyan bildirib ki, indi əsas vəzifə daxili təhlükəsizliyi və sabitliyi qorumaqdır: “Bütün gücümüzü buna yönəltməliyik. İslahatlar davam etdirilməlidir. Hökumətin əsas işi odur ki, vətəndaşlar ölkənin sahibi olduqlarını hiss etsinlər. Xalq gələcəyini kimlə quracağına özü qərar verməlidir. Gələcəyi dağıtmaq olmaz”.
