Laçın şəhərinə daha 12 ailə köçürülüb

İyulun 31-də daha 12 ailə (53 nəfər) Laçın şəhərinə köçürülüb.

Qaçqınların və Məcburi Köçkünlərin İşləri üzrə Dövlət Komitəsinin məlumatına görə, bugünkü növbəti köç karvanı Bakı şəhərinin Qaradağ rayonundakı “Qobu park 3” yaşayış kompleksindən yola salınıb.

Köçürülən ailələr Laçın şəhərində vaxtilə yaşadıqları, işğala son qoyulduqdan sonra bərpa edilən və ya yenidən tikilən evlərdə məskunlaşıb.

Bununla da Laçın şəhərində 180 ailə, yəni 700 nəfər daimi məskunlaşıb