İspaniyada koronavirusdan ölənlərin sayı açıqlanıb

İspaniyada son 24 saat ərzində yeni növ koronavirusdan daha 399 nəfər vəfat edib.

APA-nın xəbərinə görə, bu barədə İspaniya Səhiyyə Nazirliyi məlumat yayıb.

Bildirilib ki, İspaniyada koronavirusdan ölənlərin sayı 20 852 nəfərə çatıb.

Qeyd olunub ki, İspaniyada son 24 saat ərzində koronavirusa 4266 yeni yoluxma faktı qeydə alınıb və ölkədə indiyə kimi xəstəliyə yoluxanların sayı 200 210 nəfərə çatıb.

Xəstəlikdən sağalanların sayı isə 80 587 nəfərdir.