Təcavüzdə ittiham olunan Ronaldo ilə bağlı gözlənilməz qərar
“Yuventus”un hücumçusu Kriştiano Ronaldo amerikalı model Ketrin Mayorqanın ona qarşı qaldırdığı təcavüz iddiasına görə cinayət məsuliyyətinə cəlb edilməyəcək.
Fanat.Az xəbər verir ki, 2009-cu ildə Las-Veqasda portuqaliyalı futbolçu tərəfindən təcavüzə məruz qaldığı iddiası ilə məhkəməyə müraciət edən modelin iddiası öz təsdiqini tapmayıb. Las-Veqas Ədliyyəsi qadının təcavüz iddialarının öz təsdiqini tapmadığını açıqlayıb.
Qeyd edək ki, amerikalı model iddiasına görə, hadisə 2009-cu ildə Las-Veqasda yerləşən “Palms Place Hotel”də baş verib. O, hotelin klubunun VIP bölməsində Ronaldo ilə tanış olub və daha sonra futbolçu Mayorqanı zorlayıb. Almaniyanın “Der Spiegel” nəşri yazır ki, Ronaldo modellə məxfilik sazişi imzalayıb və ona 375 min dollar pul ödəyib.
