Messinin cəzası açıqlandı

by Aztoday Xəbər Portalı

“Barselona”nın futbolçusu Lionel Messinin cəzası bəlli olub.

Fanat.az xəbər verir ki, argentinalı hücumçu 2 oyunluq diskvalifikasiya edilib.

Argentinalı forvard İspaniya Kubokunda “Kornella” və La Liqada “Elçe” ilə matçları buraxacaq. Qarşılaşmalar müvafiq olaraq yanvarın 21-də və 24-də gerçəkləşəcək.

Öncədən onun cəzalısının 4-12 oyun aralığında olacağı ehtimal edilirdi.

Qeyd edək ki, Lionel Messi ölkə Super Kubokunun finalında “Atletik”in oyunçusu Asyer Vilyalibreni vurub. Qarşılaşmanın bitməsinə bir dəqiqə qalmış Messi qırmızı vərəqə alaraq meydandan qovulub. Ulduz futbolçu klub karyerasında ilk dəfə qırmızı vərəqə ilə cəzalandırılıb. Atletik” final matçının əlavə vaxtında “Barselona”ya 3:2 hesabı ilə qalib gəlib.

Bənzər Yazılar