Əvəzetmədən əvvəl Messidən icazə aldı

Argentina millisinin baş məşqçisi Xorxe Sampaoli DÇ-2018-in qrup mərhələsinin 3-cü turunda Nigeriya ilə matçın(2:1) gedişində oyunçu dəyişikliyi edən zaman komandanın kapitanı Lionel Messi ilə məsləhətləşib.

Qol.az-ın xarici KİV-lərə istinadən yaydığı xəbərə görə, o, görüşün 80-ci dəqiqəsində Serxio Aqueronu oyuna daxil etmək istəyən zaman bununla bağlı 31 yaşlı hücumçudan soruşub. Messinin razlığından sonra bu dəyişiklik gerçəkləşib. S.Aquero Nikolas Talyafikonun əvəzinə meydana daxil olub.

Qeyd edək ki, görüşdən əvvəl Argentina millisində heyəti baş məşqçi yox, komandanın aparıcı üzvləri olan Lionel Messi və Xavyer Maskeranonu müəyyənləşdirəcəyi iddia olunurdu.