Dünya

“Sinovac” peyvəndi uşaqlara da vurulacaq

Çinin əczaçılıq şirkəti “Sinovac Biotech”in prezidenti Veydonq Yin “Sinovac” peyvəndinin 3-17 yaş arası uşaqlarda istifadə üçün təsdiqləndiyini açıqlayıb.

Bu barədə Çinin CGTN telekanalı məlumat verib.

Veydonq Yin “Sinovac”ın bu ilin əvvəlində gənclər üzərində klinik sınaqlara başladığını, birinci və ikinci mərhələlərin tamamlandığını deyib.

I və II mərhələlərdə aparılan klinik sınaqların ilkin nəticələrinə görə, peyvəndin 3-17 yaş arası uşaqlarda immunitet yaratdığı və əksər yan təsirlərinin yüngül olduğu bildirilib.

Ümumdünya Səhiyyə Təşkilatı (ÜST) 1 iyun tarixində Çin tərəfindən hazırlanan “Sinovac” peyvəndinin təcili istifadəsini təsdiqləyib. /Oxu.az

Bənzər yazılar

Back to top button