Ronaldo “Avro-2020”də – 3 rekorda doğru

by Aztoday Xəbər Portalı

Portuqaliya millisinin hücumçusu Kriştiano Ronaldonun “Avro-2020”də üç yeni rekorda imza atmaq şansı var.

Qol.az xəbər verir ki, onun komandası qrupda Almaniya, Fransa və Macarıstanla qarşılaşacaq.

Ronaldo 6 qol vuracağı halda milli komandalar tarixində ən çox qol vuran futbolçu olacaq. Hazırda bu göstəricidə birinci yeri İran millisinin azərbaycanlı sabiq oyunçusu Əli Daei (149 oyuna 109 qol), ikinci yeri isə Ronaldo (174 oyuna 104 qol) tutur.

Ronaldo dörd fərqli Avropa çempionatında üst-üstə 9 qol vurub (“Avro-2004”də 2, “Avro-2008”də 1, “Avro-2012”də 3, “Avro-2016”da 3 qol). Fransalı Mişel Platinin də hesabında bu qədər qol var. Əgər Ronaldo rəqib qapısından daha bir qol keçirsə, bu halda Avropa çempionatları tarixində ən çox qol vuran (10 qol) ilk oyunçu olacaq.

Bundan başqa, Portuqaliya millisi bir matçda qalib gəlsə, Ronaldo qitə yarışında ən çox qələbə yaşayan (12 oyun) ilk futbolçu ünvanına yüksələcək. Hazırda onun şərikləri sırasında Xavi və Sesk Fabreqas (hər ikisi İspaniya) da var.

Bənzər Yazılar