Azərbaycan daha 3 rayonun mina xəritəsini əldə etməyə çalışacaq

“Düşünürəm ki, növbəti mərhələdə Azərbaycan tərəfi 3 rayonun – Cəbrayıl, Tərtər və Kəlbəcərin mina xəritəsini əldə etməyə çalışacaq”.

Bunu Qaynarinfo-ya açıqlamasında hərbi ekspert Ədalət Verdiyev deyib. Onun fikrincə, son 21 gündə 3 rayonun ərazisində yerləşən minaların xəritəsini Azərbaycana verilməsi növbəti mərhələdə də proseslərin davam edəcəyinə dair ümidləri artırır:

“Azərbaycan üçün daha aktual olan xəritələr Cəbrayıl, Tərtər və Kəlbəcər rayonlarının ərazisində yerləşən minalanmış sahələrə aid olan xəritələrdir”.