Türkiyədə 4 günlük komendant saatı tətbiq edildi

Koronavirus pandemiyası ilə əlaqədar Türkiyənin 31 əyalətində komendant saatı tətbiq olunub.

Qaynarinfo xəbər verir ki, bu barədə ölkə prezidenti Rəcəb Tayyib Ərdoğan açıqlama verib.

Dövlət başçısı bildirib ki, komendant saatı mayın 16-dan 19-dək davam edəcək.

Qeyd edək ki, Türkiyədə koronavirusdan ölənlərin sayı 3 786 nəfərə çatıb. Pandemiya ərzində qonşu ölkədə COVID-19-a ümumilikdə 138 657 nəfər yoluxub.