Nazirlik Müəllimlər Günü münasibətilə məktəblərdə pul yığılmasına münasibət bildirib

by Aztoday Xəbər Portalı

Təhsil Nazirliyi məktəblərdə 5 oktyabr – Beynəlxalq Müəllimlər Günü münasibətilə pul yığılması iddialarına münasibət bildirib.

Nazirlikdən “Report”un sorğusuna cavab olaraq qeyd olunub ki, hər bir şagirdin öz müəlliminə səmimi ürək sözləri ən böyük hədiyyədir.

Əlavə olunub ki, bu mövzuda hər hansı qeyri-qanuni tələb olarsa, valideynlər anonim olmadan nazirliyin Qaynar xəttinə müraciət edə bilərlər.

***

Bakı Şəhəri üzrə Təhsil İdarəsi (BŞTİ) məktəblərdə 5 oktyabr – Beynəlxalq Müəllimlər Günü münasibətilə pul yığılması iddialarına münasibət bildirib.

İdarədən “Report”un sorğusuna cavab olaraq bildirilib ki, BŞTİ məktəblərdə qanunvericiliyin tələblərinə uyğun idarəetmə prinsiplərinə əməl olunmasına ciddi nəzarət edir.

“Ümumi təhsil müəssisələrinin fəaliyyəti ilə bağlı valideynləri narahat edən hər hansı hal olarsa, BŞTİ-nin Çağrı Mərkəzinə (146-0) və ya Təhsil Nazirliyinin 146 saylı “Qaynar xətt” xidmətinə anonim olmadan müraciət edilməsi tövsiyə olunur” – idarədən qeyd olunub.

Bənzər Yazılar