Vətən müharibəsindən sonra dünyaya gələn şəhid övladlarının sayı açıqlandı

by Aztoday Xəbər Portalı

Vətən müharibəsindən sonra Azərbaycanda 102 şəhid övladı dünyaya gəlib.

AzToday.az xəbər verir ki, bunu YAŞAT Fondunun rəhbəri Elvin Hüseynov deyib.

O qeyd edib ki, onlar heç vaxt atalarını görməyəcək: “Bütün şəhid övladları, qazilər bizə əmanətdir”.

Qeyd edək ki, “YAŞAT” Fondunun layihəsi çərçivəsində Vətən müharibəsindən sonra dünyaya gələn şəhid övladlarının zəruri xərcləri Fond tərəfindən qarşılanır. Bu məqsədlə 1000 AZN analara təqdim olunur və dünyaya yeni göz açan körpələrin adına 5000 AZN-lik hesab açılır. Həmin hesaba vəsait Fonda edilən ianələr hesabına toplanmış məbləğdən köçürülür. Həmin məbləğin üzərinə mütəmadi olaraq faiz toplanılacaq və həmin şəhid övladı 18 yaşına çatdıqdan sonra toplanan məbləği özü hesabından çıxara biləcək.

Bənzər Yazılar