Şəhriyar çempionluğu son anda əldən verdi

Print Friendly, PDF & Email

Almaniyanın paytaxtı Berlində şahmat üzrə İddiaçılar turnirində bu gün XIV sonuncu turun görüşləri keçirilib.

AzToday.az xəbər verir ki, Azərbaycan təmsilçisi Şəhriyar Məmmədyarov qara fiqurlarla rusiyalı Vladimir Kramnik ilə üz-üzə gəlib.

Görüş 54-cü gedişdə heç-heçə ilə yekunlaşıb – 0,5:0,5. Bununla da Məmmədyarov xallarını 8-ə çatdırıb. Onun turnirin qalibi olma şanslarını qorumasından ötrü lider Fabiano Karuana Aleksandr Qrişuka uduzmalı idi. Amma ABŞ şahmatçısı qələbə qazanaraq çempion olub. Şəhriyar və Sergey Karyakin 2-3-cü pilləri bölüşüb.

İddiaçılar turniri
XIV tur

Vladimir Kramnik (2800, Rusiya) – Şəhriyar Məmmədyarov (2809, Azərbaycan) 0,5:0,5
Aleksandr Qrişuk (2767, Rusiya) – Fabiano Karuana (2784, ABŞ)
Levon Aronyan (2794, Ermənistan) – Uesli So (2799, ABŞ) 0,5:0,5
Sergey Karyakin (2763, Rusiya) – Liren Dinq (2769, Çin) 0,5:0,5

Turnir cədvəli:

1. Karuana – 9
2. Məmmədyarov – 8
3. Karyakin – 8
4. Dinq – 7.5
5. Kramnik – 6.5
6, Qrişuk – 6,5
7. So – 6
8. Aronyan – 4.5