“Roma” Mourinyunun postunu ona tapşıracaq

“Roma” rəhbərliyi baş məşqçi postunu tərk edəcəyi gözlənilən Joze Mourinyunu əvəzləyə biləcək mütəxəssisləri nəzərdən keçirir.

Fanat.az xəbər verir ki, məlumatı “Calciomercato” yayıb.

Xəbərə görə, paytaxt təmsilçisinin əsas favoriti “Montsa”nın baş məşqçisi Raffaele Palladinodur. Mənbə A Seriyasının ən gənc çalışdırıcısının – 39 yaşlı Palladinonun da “Roma”da işləmək perspektivinə isti yanaşdığını vurğulayıb.

Qeyd edək ki, Mourinyunun adı Braziliya millisi ilə yanaşı çəkilir.