Zəfər Günü əfv olmayacaq? (AÇIQLAMA)
“Zəfər Günü ilə bağlı əfv olması ehtimalı demək olar ki, yoxdur”.
Bunu Qaynarinfo-ya açıqlamasında Prezident yanında Əfv Komissiyasının üzvü Əlməmməd Nuriyev deyib.
O bildirib ki, bir ildə iki dəfə əfv sərəncamının verilməsi qeyri-mümkindir:
“Mərhum Prezident Heydər Əliyevin anadan olmasının 100 illiyi ilə əlaqədar Azərbaycan əfv tarixində ən böyük sərəncamı imzalanıb və 800-dən artıq şəxs cəzadan azad edilib. Bundan əlavə bir il ərzində iki dəfə əfv sərəncamının verilməsi az gözləniləndir. Əlbəttə ki, bu, Prezidentin müstəsna səlahiyyətləridir”.
Əlməmməd Nuriyev hesab edir ki, əgər 8 noyabrda əfv sərəncamı gözlənilsəydi, o zaman Əfv Komissiyasının iclasları keçirilərdi:
“Cəmiyyətə bununla bağlı məlumat verilərdi. Bu günə kimi iclaslar keçirilməyib. Qısa vaxt qalıb, bundan sonra həmin iclasların keçirilməsi mümkün deyil”.
