Azərbaycanda qəribə hadisə: Sabiq deputatın atasını bir gündə 3 dəfə məhkəməyə verdilər – FOTOFAKT
Xəbər verdiyimiz kimi, bu ilin mart ayında İqtisadiyyat Nazirliyi yanında Dövlət Vergi Xidməti Bakı şəhər Lokal Gəlirlər Baş İdarəsi tərəfindən sabiq millət vəkili Aslan Cəfərovun atası Məmmədhüseyn Cəfərovun rəhbərlik etdiyi “Diplomat-I” Firması barəsində məhkəmə iddiası qaldırılıb.
Yeniavaz.com xəbər verir ki, açıqlanan rəsmi məlumatda məhkəmə iclası Bakı Kommersiya Məhkəməsində hakim Emin Əliyevin sədrliyi ilə keçiriləcəyi qeyd olunub.
Maraqlıdır ki, bu gün Elektron Məhkəmə Portalı (e-mehkeme.gov.az) tərəfindən açıqlanan məlumatda göstərilir ki, İqtisadiyyat Nazirliyi yanında Dövlət Vergi Xidməti Bakı şəhər Lokal Gəlirlər Baş İdarəsi tərəfindən sabiq depuatın atasının rəhbərlik etdiyi “Diplomat-I” Firmasına qarşı Bakı Kommersiya Məhkəməsində 3 ayrı nömrə ilə iddia qaldırılıb. Hər iddia üçün də ayrı hakim təyin olunub.
Yeniavaz.com xəbər verir ki, depuatat atasının hansı səbəbdən məhkəməyə verildiyi açıqlanmayıb. Lakin qeyd edək ki, “Diplomat-I” Firması hazırda dövlət büdcəsinə 52 min 792 manat 33 qəpik vergi borcu var.
Məlumat üçün bildirək ki, Aslan Cəfərovun 1973-cü il iyulun 23-də Bakı şəhərində anadan olub. 1992–1995-ci illərdə “Areal” MMC vitse- prezidenti işləyib.
2002-ci ildən İqtisadi İnkişaf Nazirliyinin Ekspertiza Mərkəzi direktorunun müavini, 2007-ci ildən İqtisadi İnkişaf Nazirliyi yanında İstehsal Bazarına Nəzarət üzrə Dövlət Xidməti rəisinin müavini vəzifələrində çalışıb.
2008–2010- cu illərdə “Diplomat-I” firmasının kommersiya direktoru olub. 2010-cu ildə 77 saylı Astara seçki dairəsindən deputat seçilib.
“Diplomat-I” firması Avstriya və Almaniyadan Azərbaycana uşaq qidalarını gətirməklə məşğuldur. Bu qidaların arasında ən məşhuru “Hipp” qidalarıdır. “Diplomat-I” firması “HiPP Avstriya ” şirkətinin Azərbaycandakı rəsmi nümayəndisidir.
