Ukraynanın müdafiə naziri istefa verdi

Ukraynanın Müdafiə naziri Andrey Taran istefa verib.

Bu barədə hökumətin Ali Radadakı sözçüsü Taras Melniçuk “Telegram”da məlumat yayıb. Onun sözlərinə görə, Müdafiə nazirininin istefa ərizəsi Ali Radaya təqdim olunub.

Qeyd edək ki, Andrey Taran 2020-ci il martın 4-dən Müdafiə naziri postunu tuturdu. Onun səhhətində problemlərin olduğu bildirilir.