12 yaşdan yuxarı şagirdlərin vaksinasiyası məcburidir? – Açıqlama

by Aztoday Xəbər Portalı

Azərbaycanda 12 yaşdan yuxarı şagirdlərin məcburi olunması ilə bağlı tapşırıq yoxdur.

AzToday.az”Report”a istinadən xəbər verir ki, buun açıqlamasında Təhsil Nazirliyinin Ümumi təhsilin təşkili və idarəolunması şöbəsinin müdir əvəzi Orxan Abbasov deyib. Nazirlik rəsmisi bildirib ki, Səhiyyə və Təhsil Nazirliyinin birgə yaydığı məlumat sadəcə tövsiyə xarakterlidir: “Düşünmürəm ki, bu günə qədər həmin yaşda olan hansısa şagirdin peyvənd olunmadığına görə məktəbə buraxılmamasına dair bir fakt var. Belə hadisə olmayıb. Yenə də təkrar edirəm ki, bu, sadəcə tövsiyədir. Əgər aidiyyəti qurumlar belə bir qərar veribsə, deməli, bunun əsasında tədqiqatlar və elmi araşdırmalar dayanıb”.

Qeyd edək ki, ölkədə oktyabrın 5-dən 12-15 yaşlı yeniyetmələrin vaksinasiyasına qərar verilib. Müvafiq tibbi göstərişlərə və hər iki valideynin razılığına əsasən həmin yeniyetmələrə “COVID-19” əleyhinə Pfizer peyvəndi vurula bilər.

Bənzər Yazılar