Cəmiyyət

“ANKARA” LISEYİNİN DİREKTORU TƏHSİL NAZİRINİ SAYMIR

Təhsil Nazirliyinin imtahanınan keçən şagirdləri “Ankara” liseyinə qəbul etmirlər.

Tia.az-ın məlumatına görə, liseyin direktoru Səmayə Eynullayeva nazirliyin qərarlarını tanımadan təhsil ocağında bazar açıb.

İddialara görə, şagirdləri müxtəlif bəhanələrlə və süni manelərlə imtahandan sonra qəbul etməyən “Ankara”nın direktoru valideynlər üçün “tas” qoyub. Demə, burada rus sektoruna qəbul üçün 4-5 min manat, ana dilində tədris üçün 3-4 min manatından keçməlisən.

S.Eynullayeva “Ankara” liseyində elə bir absurd mühit yaradıb, elə bir cəngəllik qanunları tətbiq edib ki, təhsil naziri Emin Əmrullayevi belə saymır.

Məlumatda deyilir ki, şagirdləri çox səviyyəsiz, absurd suallarla yorur, cavab vermə bilmədiyini bəhanə edərək kəsirlər. Məsələn, “Niyə Marsın rəngi qırmızıdır” deyə şagirddən soruşublar.Buna cavab verə bilməyəcəyinə əmin olan lisey rəhbərliyi pul qoparmaq üçün zəmin yaradır. Başqa bir sualda isə soruşulur ki, “Riyaziyyat elmi digər elmlərdən nə ilə fərqlənir?”

Təbii ki, bu suallar 1-ci sinfə qəbul üçün verimiş suallar yox, məhz kəsilmək üçün nəzərdə tutulan suallardır.
Valideynlərin sözlərinə görə, Təhsil Nazirliyinin imtahanından əla nəticə verən uşaqlar məhz “Ankara”nın direktoru S.Eynullayevanın “imtahanın”dan keçə bilmirlər. Mövzunu diqqətdə saxlayacağıq.

Bənzər yazılar

Back to top button