Rusiya və Türkiyə 3+3-ü işə salmaq niyyətindədir

by Aztoday Xəbər Portalı

Noyabrın 15-də İstanbulda Rusiya Xarici İşlər Nazirinin müavini Andrey Rudenko ilə Türkiyə Respublikasının Xarici İşlər Nazirinin müavini Sedat Onal arasında məsləhətləşmələr keçirilib.

Tərəflər Cənubi Qafqaz və Mərkəzi Asiyada Rusiya-Türkiyə qarşılıqlı fəaliyyətinin aktual məsələlərinin geniş spektrini müzakirə ediblər.

Bakı-İrəvan münasibətlərinin normallaşması kontekstində Rusiya, Azərbaycan və Ermənistan liderlərinin 9 noyabr 2020-ci və 11 yanvar 2021-ci il arasında üçtərəfli razılaşmaların ardıcıl surətdə həyata keçirilməsinin vacibliyi vurğulanıb, yaxın zamanlarda Cənubi Qafqaz üçün “3+3” (Azərbaycan, Ermənistan, Gürcüstan, üstəgəl Rusiya, Türkiyə, İran) regional məsləhət mexanizminin işə salınmasının aktuallığı vurğulanıb.

Mərkəzi Asiyadakı vəziyyətlə bağlı, o cümlədən əfqanıstanda baş verən son hadisələri nəzərə alaraq, mövzu ətrafında fikir mübadiləsi aparılıb.

MDB məkanında, o cümlədən Ukraynadakı vəziyyətlə bağlı bir sıra digər məsələlər üzrə “saatların uzlaşdırılması” həyata keçirilib.

Rusiya XİN-in məlumatına görə, Rusiya ilə Türkiyə arasında çoxplanlı qarşılıqlı əlaqələrin durmadan inkişaf etdiyini bildirib.

“Altılıq platforması” ideyası Ərdoğan tərəfindən ikinci Qarabağ müharibəsi başa çatdıqdan sonra irəli sürülüb. O, Cənubi Qafqazın üç ölkəsinin – Azərbaycan, Gürcüstan və Ermənistanın öz qonşuları Türkiyə, Rusiya və İranla iqtisadi və siyasi əməkdaşlığını nəzərdə tutur. (Turan)

Bənzər Yazılar