Digər

Məhkəmə Ata Abdullayevə 7 il həbs cəzası verdi

Hədə-qorxu ilə pul tələb etməkdə təqsirləndirilən bloger Ata Abdullayev 7 il azadlıqdan məhrum edilib. Bu barədə bu gün Bakı Ağır Cinayətlər Məhkəməsində hakim Fikrət Qəribovun sədrliyi ilə keçirilən prosesdə qərar qəbul edilib.

Xatırladaq ki, prokuror Abdullayevin 9 il azadlıqdan məhrum edilməsini istəmişdi.

İttihama əsasən, Abdullayev məmurları və sahibkarları sosial şəbəkələrdə onları nüfuzdan salacaq materialların dərcilə hədələyərək pul tələb edib.

Abdullayev müxalifətçi siyasətçilərə və hakimiyyətin digər tənqidçilərinə qarşı təxribatların icraçısı kimi tanınır. O, müntəzəm olaraq müxalifətçiləri təhqir edib, qalmaqallar yaradıb. Belə təxribatlardan birinin nəticəsi olaraq iki il bundan öncə müxalifətyönlü jurnalist Təzəxan Mirələmli islah işlərinə məhkum edilmişdi. (Turan)

Bənzər yazılar

Back to top button