Azərbaycan beş erməni hərbçini azad edib

Dekabrın 29-da Macarıstanın vasitəçiliyilə beş erməni hərbçi azad edilərək Ermənistan tərəfinə təhvil verilib. Bu barədə çərşənbə günü əsir və itkin düşmüş, girov götürülmüş vətəndaşlarla əlaqədar Dövlət Komissiyasının məlumatında deyilir.

Həmin şəxslər noyabrın 16-da Kəlbəcər rayonu ilə sərhəddə hərbi əməliyyatlar zamanı saxlanılıblar.

Onlar Sarkis Abramyan, Armen Xaçaturyan, Vaqe Ağacanyan, Suren Xaçaturyan və Aram Avetyandır.