Avropa İttifaqının Cənubi Qafqaz üzrə xüsusi nümayəndəsi Toyvo Klaar Ermənistan-Azərbaycan sərhədində növbəti gərginlikdən narahatlığını bildirib.
“Ermənistan-Azərbaycan sərhədində yeni insidentlərin və itkilərin olması barədə xəbərlərdən dərin narahatlıq keçiririk. Tərəflər üçün gərginliyin azaldılması və mövcud mexanizmlərdən, xüsusən də 2021-ci ilin noyabrında Avropa İttifaqının himayəsi altında yaradılmış Müdafiə nazirlikləri arasında “qaynar xətt”dən tam istifadə edilməsi vacibdir”,
“Qüvvələr arasında gərginliyin yatırılması üçün tərəflərlə işləməyə hazırıq və sərhədlərin delimitasiyası və demarkasiyası işinə əlavə dəstək verməyə hazır olduğumuzu bir daha bəyan edirik”, – Klaar öz Tvitter hesabında yazıb.(Turan)
