İqtisadiyyat

Buta Airways qiymətləri endirir?

Azərbaycanın “Buta Airways” loukosteri “Büdcə” tarifi üzrə 29 avrodan başlayan qiymətə aviabilet satışını bəyan edib. Bu tarif koronavirus pandemiyasının aktiv fazasında müvəqqəti olaraq mövcud deyildi, şirkətin məlumatında deyilir.

“Büdcə” tarifi üzrə aviabiletləri əvvəlki kimi yalnız aviaşirkətin rəsmi saytından əldə etmək olar. Bu tarifdə baqajın pulsuz daşınması nəzərdə tutulmayıb.

Qeyd edək ki, “Buta Airways” KİV və sosial şəbəkələrdə AZAL-ın ünvanına kütləvi tənqidlər fonunda əvvəlki minimal tarifin geri qaytarıldığını bildirib.

Buna Ermənistanın “Flyone Armenia” şirkəti tərəfindən Yerevandan İstanbula reyslərin 45 dollar səviyyəsində elan edilməsi barədə informasiya səbəb olub. Buta İstanbula biletləri 55 avrodan satırdı.

Qeyd edək ki, Buta Airways-in 29 avro həcmində minimal tarifi, çox güman ki, deklarativdir, çünki bu qiymətə bilet almaq, demək olar ki, mümkün deyil. (Turan)

Bənzər yazılar

Bunu da oxu
Close
Back to top button