Azərbaycan və Türkiyə arasında diplomatik münasibətlər qurulmasının 30 illiyi münasibətilə İstanbuldakı Fatih Sultan Mehmet körpüsü Azərbaycan bayrağının rənglərinə boyanıb.
Türkiyə Azərbaycanın 1991-ci ilin oktyabrında elan edilmiş müstəqilliyini tanıyan ilk dövlət olub. 1992-ci ilin yanvarında rəsmi diplomatik münasibətlər qurulub, Türkiyənin Bakıdakı baş konsulluğuna bu ölkənin səfirliyi statusu verilib.