Açılan bütün nəqliyyat infrastrukturları və yollar ərazisindən keçdikləri ölkənin suverenliyi və qanunvericiliyi çərçivəsində fəaliyyət göstərməlidir. Bu barədə bazar ertəsi Ermənistanın xarici işlər naziri Ararat Mirzoyan bildirib.
“Belə bir ortaq fikir mövcuddur ki, bütün açılan nəqliyyat infrastrukturu, avtomobil və dəmir yolları ərazisindən keçdikləri ölkənin suverenliyi və qanunvericiliyi çərçivəsində fəaliyyət göstərməlidir”, deyə Ermənistan İctimai Radiosu Mirzoyandan sitat gətirir.
Beləliklə, Yerevan ermənilərin Qarabağa getmək üçün istifadə etdikləri Laçın dəhlizi üzərində nəzarətin Azərbaycana keçəcəyi ilə razılaşdığını bir daha təsdiq edir.
Eyni zamanda, Azərbaycandan Naxçıvana Zəngəzurdan keçən yol da Ermənistanın nəzarəti altında olacaq.(Turan)
