Bakıdan Kiyev sakinləri üçün 30 ton humanitar yardım göndərilib

Ötən gecə Bakı Şəhər İcra Hakimiyyəti Kiyev sakinləri üçün 30 ton həcmində humanitar yardım göndərib.

Ukraynada hərbi əməliyyatlar nəticəsində zərər çəkmiş adamlara yardım Bakı rayon administrasiyaları və paytaxt sakinləri tərəfindən toplanıb.

Humanitar yardıma əsasən qida məhsulları və digər zəruri əşyalar daxildir.

Qeyd edək ki, Bakı və Kiyev qardaşlaşmış şəhərlərdir.

Bundan öncə, fevralın 26-da və martın 12-də Azərbaycan hökuməti Ukraynaya iki təyyarə ümumi məbləği 10,5 milyon avroluq humanitar yardım göndərib.