Həbs olunan icra başçısının oğlu vəzifəsindən azad olunub

Həbs olunan Ağstafa rayonunun keçmiş icra başçısı Nizaməddin Quliyevin oğlu Ramal Quliyev Baş Prokurorluğun Korrupsiyaya Qarşı Mübarizə Baş İdarəsində tutuğu vəzifədən azad olunub.

Bizimyol.info xəbər verir ki, Baş prokurorun müavini – Baş prokuror yanında Korrupsiyaya qarşı Mübarizə Baş İdarəsinin rəisi Kamran Əliyev 2019-cu ilin yekunlarına dair keçirilən mətbuat konfransında deyib.

O deyib ki, Ramal Quliyevin müraciəti əsasında Baş prokurorun müavifiq əmri iıə tutduğu vəzifədən azad olunub.

Qeyd edək ki dekabrın 18-də Dövlət Təhlükəsizlik Xidməti (DTX) tərəfindən rüşvət və korrupsiya ittihamları ilə Ağstafa rayon icra hakimiyyətinin keçmiş başçısı Nizaməddin Quliyev həbs edilib.