“Barselona”nın futbolçusu üçün mövsüm erkən başa çatdı

“Barselona”nın müdafiəçisi Serjinyo Dest zədə səbəbindən mövsümün qalan hissəsini buraxacaq.

Qol.az xəbər verir ki, bu barədə goal.com məlumat yayıb. Amerikalı oyunçu ötən gün “Rayo Valekano” ilə matçda (0:1) sıradan çıxıb. Bu səhər aparılan testlər nəticəsində Destin sağ bud vətərlərinin zədələndiyi müəyyənləşib. O, mövsümün qalan hissəsində meydana çıxmayacaq.

Qeyd edək ki, Dest bu mövsüm “Barselona”nın heyətində 27 oyunda 3 qolun ötürməsini verib.