Dünya
Kiyevin meri Hamburqda 6 milyon dollarlıq malikanə aldı
Ukraynanın paytaxtı Kiyev şəhərinin meri Vitali Kliçko Hamburqda qiyməti 227,6 milyon qrivnadan (təxminən 6 milyon dollar) çox olan malikanə alıb.
Yeniavaz.com xəbər verir ki, bu barədə şəhər rəhbərinin bəyannaməsinə istinadən “Strana” nəşri məlumat yayıb.
Nəşrin yazdığına görə, Kliçko bu evi 2023-cü il dekabrın 20-də qardaşı Vladimirə məxsus olan və ABŞ-də qeydiyyatdan keçən “Maksimum I” şirkətindən borc əvəzinə alıb və həmin ilin mayından Kiyev merinin mülkiyyətinə keçib.
Malikanənin sahəsi 750 kv.m-dir.
“Strana” Kliçkonun Hamburqdakı malikanəni hələ mer olmamışdan əvvəl aldığını və Kiyevin meri kimi karyerasına başlamazdan əvvəl bu barədə məlumat verdiyini yazıb.
Alman mətbuatının yazdığına görə, ev Otmarşen Parkı ərazisində yerləşir.