Dünya
Bayden Finlandiyanı NATO-da salamlayır və İsveçi də tezliklə təşkilata daxil olmağa çağırır
Çərşənbə axşamı ABŞ prezidenti Co Bayden NATO-nun yeni üzvünü salamlayıb, Finlandiyanın dünyada ən güclü hərbi alyansa daxil olduğunu qeyd edib.
“Putin Ukrayna xalqına qarşı amansız təcavüzkar müharibəsinə başladıqda o düşünürdü ki, Avropa və NATO-nu bölə biləcək. O, yanılıb”, deyə Bayden öz bəyanatında bildirib.
“Bu gün biz hər zaman olduğundan daha çox birik və yeni müttəfiqimiz – Finlandiya ilə birlikdə transatlantik təhlükəsizliyə, NATO ərazisinin hər bir qarışını qorumağa və istənilən çağırışları həll etməyə davam edəcəyik”.
Ağ Ev həmçinin Türkiyə və Macarıstanı İsveçin ratifikasiyası prosesini tamamlamağa çağırıb.