Baş Prokuror yanında Korrupsiyaya qarşı Mübarizə Baş İdarəsi bir neçə rayonda Əmlak Məsələləri Dövlət Komitəsinin şöbələrində əməliyyat keçirib. Bir neçə vəzifəli şəxs saxlanılıb, bu barədə KİV-lər məlumat yayıb.
Əməliyyat çərçivəsində Beyləqan Ərazi şöbəsinin müdiri Elsevər Paşayev və bir neçə digər vəzifəli şəxslər saxlanılıb.
Turan-ın Şəki rayonundakı etibarlı mənbələri bildirirlər ki, əməliyyat çərçivəsində ƏMDX-nin Şəki ərazi şöbəsinin müdiri Mübariz Bəşarət oğlu Paşayev də həbs edilib.
Baş Prokurorluq bu məlumatları şərh etməyib, bir qədər sonra rəsmi məlumat yayacağını vəd edib. (Turan)