İcra hakimiyyətinin şöbə müdiri həbs edildi
Zərdab Rayon İcra Hakimiyyətinin Aparatının Sənədlərlə və vətəndaşların müraciətləri ilə iş şöbəsinin müdiri Ramil Abdullayev barəsində cinayət işi başlanıb
Cinayət işinin başlanmasına səbəb kənd təsərrüfatı məhsulları istehsalçılarına yardım verilməsi zamanı Zərdab rayon komissiyası tərəfindən yol verilmiş qanun pozuntuları barədə Maliyyə Nazirliyindən daxil olmuş material olub.
İstintaqla müəyyən edilib ki, Ramil Abdullayev vəzifədə çalışarkən ayrı-ayrı vaxtlarda kənd təsərrüfatı məhsullarının istehsalçılarına ayrılmış pulları öz ehtiyacları üçün xərcləyib.
O, dövlət əmlakının mənimsəyib.
Ramil Abdullayevin barəsində Cinayət Məcəlləsinin 308.1 (vəzifə səlahiyyətlərindən sui-istifadə), 313 (vəzifə saxtakarlığı) və 179.2.4 (mənimsəmə; xeyli miqdarda ziyan vurmaqla törədildikdə) maddəsi ilə ittiham elan edilib. (teleqraf.com)
