DünyaManşet

Navalnının məhkəmədə söylədiyi möhtəşəm son söz: “Demək istəyirəm ki, kralınız çılpaqdı”

Aleksey Navalnı 29 apreldə “veterana qarşı böhtan” iddiası ilə bağlı hökmdən verilən apellyasiya şikayətinə dair iclasda video rabitə vasitəsi ilə iştirak edib. Məhkəmə apellyasiya şikayətini rədd edərək qərarı təsdiqləyib.
Aleksey Navalnı qərardan əvvəl son sözlə çıxış edib.

Həmin çıxışı təqdim edirik:

“Əziz məhkəməm, demək istəyirəm ki, Sizin kral çılpaqdır. 20 illik bacarıqsız hökmranlıq bu nəticəyə gətirib çıxardı. Onun qulaqlarına sallanan tacı var. Televiziyalar yalan püskürür. Satılan neft və qazdan trilyonlarla dollar xərclədik, amma ölkəmiz hər il geridə qalmağa və tənəzzülə uğramağa davam edir. Rus mənşəli bütün iqtisadçıların son illəri itirilmiş onilliklər adlandırılması təəccüblü deyil.

Əslində, bunu həyata keçirmək üçün, hamı kimi, mənim heç bir iqtisadçıya ehtiyacım yoxdur. Moskvadan 200 km məsafədə yerləşən Vladimirdəki bir koloniyada otururam. Burada bir normal düz yol da yoxdur, maaşlar 30 min rubl! Bu, XXI əsrdə, dünya lideri olduğunu iddia edən bir neft və qaz ölkəsindəki vəziyyətdir. Və Sizin çılpaq hər şeyi oğurlamış kralınız sonadək idarə etməyə davam etmək istəyir. Bu ölkə heç onun vecinə də deyil. O hakimiyyətə elə yapışıb ki, onu sonsuza qədər tutmaq istəyir. Ancaq hökmranlıq etməyə davam edərsə, itirilən onilliklər oğurlanmış onilliklə əvəzlənəcəkdir.

Hamı bunu başa düşdüyündən və getdikcə daha çox adam kralın çılpaq olduğunu görəndə, bu çılpaq kral heç nə edə bilməyəcəyinin fərqindədir. Ölkənin daha yaxşı yaşaması üçün, o heç bir şey edə bilməz. Və çaşqınlıqla nəsə axtarır, müqəddəslik parçalarını, yaxşı bir şeyin qırığını, özü üçün götürüb oğurlasın. Mənimsəyib, şəxsi məqsədləri üçün istifadə etsin. İndi də bunu uzun illər xalqımızın Böyük Vətən Müharibəsindəki qələbəsi ilə edir. Bu müharibəni az qala özü qazandığını elan edir və bu qələbə ilə sağa-sola alver edir. Və bu proses də bununla əlaqədardır: sizin çılpaq kralınız Zəfər bayrağını necə oğurladığı və ondan qayış düzəltməyə çalışdığı haqqındadır.
Amma əslində bütün hakimiyyətiniz, məhz o işğalçıların və xainlərin hakimiyyətidir. Hamınızı satqın hesab edirəm. Çılpaq kralınız başda olmaqla, siz tarix kitablarından hamımızın oxuduğu planı tam olaraq həyata keçirirsiniz. Rusiya ələ keçirilməli və ruslar sərvətləri alınacaq kölələrə çevrilməlidir. Kimi təhsildən, kimi səhiyyə xidmətindən məhrum olacaq, kimsə də hər hansı bir perspektivdən məhrum olacaq. Bu tam olaraq elədi, o planı həyata keçirin. Bizdə hər il 200 min insan xaricə getməli olur. Əhalimiz indi milyonlarla azalır. Sözümü kəsməyin! Bu mənim son sözümdür. İş materiallarına əsaslanır. Çünki bu işin materialları hakimiyyətinizin mahiyyətini mükəmməl şəkildə göstərir.

Və şəxsən barəsində araşdırma apardığım Moskva prokuroru, nə baş verir? İspaniyadakı villaları və Monteneqrodakı otellər haqqında. Monteneqrodakı otelində özüm bir otaq icarəyə götürmüşdüm. Və bu prokuror, burda milyonlar oğurlayan və xaricə sərmayə qoyan bu məmur, qapalı bir prosesdə məni və mənim kimi insanları, ölkəmizi sizdən qoruyan ölkənin vətənpərvərlərini, ekstremist və xarici agent kimi tanımağa çalışır. Demək istəyirəm ki, arxada necə gizlənib bu müqəddəsliyi oğurlamağa və Zəfər bayrağını muzeydən oğurlayıb özünüz üçün istifadə etməyə çalışsanız da, müvəffəq olmayacaqsınız. İşğalçı hakimiyyətinizlə gec-tez atılacaqsınız…

Hörmətli hakim, bəsdirin sözümü kəsdiniz. Mən anlayıram ki, niyə sözümü kəsirsiniz, siz bilirsiniz ki, bütün dediklərim həqiqətdir. Mən sizə qarşı çox xeyirxaham, baxmayaraq ki, bir daha deyirəm, hamınızı xain və iqtidar işğalçısı hesab edirəm. Amma Rusiyanı dəfələrlə hansısa işğalçı güc, işğalçı administrasiya tutmaq istəyib. Sizinki də kifayət qədər uğurludur, çünki 20 il ərzində xalqımızı soymağı, onları gələcəklərindən məhrum etməyi və sərvətlərini xaricə daşımağı bacarmısınız. Ancaq gec-tez bitəcək. Demək istədiyim budur!”

Bənzər yazılar

Back to top button