Ronaldu və Erik ten Haq görüşdülər – Gedir?

“Mançester Yunayted”in portuqaliyalı ulduzu Kriştianu Ronaldu ilə klubun yeni baş məşqçisi Erik ten Haq arasındakı danışıqlar yaxşı keçib. Hücumçunun yayda “qırmızı şeytanlar”dan ayrılmaq ehtimalı azdır.

Fanat.az xəbər verir ki, bu barədə insayder Fabritsio Romano “CaughtOffside” saytı üçün köşə yazısında bildirib.

Daha əvvəl “Roma”nın Kriştianuya maraq göstərdiyi haqda xəbərlər yayılmışdı. Romanonun fikrincə, portuqaliyalı futbolçunun maaşı istənilən İtaliya klubu üçün çox yüksəkdir.