SABİQ NAZİR UZUN FASİLƏDƏN SONRA ÜZƏ ÇIXDI – Rəsmi şəxslər arasında görünüb

by Aztoday Xəbər Portalı

Sabiq Rabitə və Yüksək Texnologiyalar naziri (2014–2015), akademik Əli Abbasov uzun fasilədən sonra rəsmi şəxslər arasında görünüb. “Ölkə.Az”-ın məlumatına görə, Əli Abbasov bu gün Azərbaycan Milli Elmlər Akademiyasının (AMEA) binasında Prezident İlham Əliyevin iştirakı ilə keçirilən tanınmış alim Rəfiqə Əliyevanın vida mərasimində iştirak edib.

Mərasimdə hökumət üzvləri ilə söhbət edən Əli Abbasov jurnalistlərin sualına cavab verməkdən imtina edib.
Xatırladaq ki, mayın 3-də Bakı Ağır Cinayətlər Məhkəməsində mənimsəmədə və vəzifə səlahiyyətlərindən sui-istifadə etməkdə təqsirləndirilən keçmiş Rabitə və Yüksək Texnologiyalar Nazirliyinin (RYTN) sabiq Aparat rəhbəri Vidadi Zeynalov sözügedən nazirlikdə nazirin birinci müavini işləmiş İltimas Məmmədova (Hazırda Nəqiyyat, Rabitə və Yüksək Texnologiyalar nazirinin müavinidir – müıllif) qarşı ifadə verib. Vidadi Zeynalov ifadəsində İltimas Məmmədov və Əli Abbasovla bağlı sensassion açıqlamalar verib.

Bənzər Yazılar