Mbappe PSJ-nin yeni təklifindən də imtina etdi
PSJ rəhbərliyi fransalı hücumçu Kilian Mbappeni 2024-cü ilin yayında azad agent kimi komandanı tərk etməməyə inandırmağa çalışır.
Qaynarinfo xəbər verir ki, bu barədə jurnalist Ben Ceykobs “Twitter” hesabında məlumat verib.
Paris klubu futbolçuya 2024-cü ilin yay transfer pəncərəsində futbolçunun məcburi satışı ilə bağlı bəndin yer aldığı yeni müqavilə bağlamağı təklif etsə də, Mbappe bundan imtina edib.
Mbappenin Fransa komandası ilə müqaviləsi 2023/24 mövsümünün sonunda bitir. Hücumçu PSJ ilə müqaviləsini 2025-ci ilə qədər uzatmaq variantından istifadə etməkdən imtina edib.
İyulun 24-də “Relovo” klubların artıq transfer barədə razılığa gəlməsinə baxmayaraq, Mbappenin PSJ-dən Səudiyyə Əl-Hilala keçməkdən imtina etdiyini yazıb. Hücumçu “Real Madrid”lə apardığı gizli danışıqların cəzası olaraq bütün növbəti mövsümü PSJ-də ehtiyat oyunçular skamyasında keçirməyə razılaşıb.
İyulun 21-də PSJ rəhbərliyi Mbappeni Yaponiyaya mövsümöncəsi turnenin heyətindən kənarlaşdırıb. “L’Equipe”nin məlumatına görə, buna forvardın gələn yay azad agent kimi “Real Madrid”ə keçmək üçün gizli müqavilə imzalaması səbəb olub.