Dünya

Avropa Rusiya qazından tamamilə imtina edə bilər

Avropa İttifaqı üç il ərzində Rusiyadan gələn qazdan tamamilə imtina edə bilər. Mavi yanacağın qəti olaraq rədd edilməsindən isə ilk olaraq Çexiya, Macarıstan və Slovakiya zərər çəkəcək.

Bizimyol.info Ukrayna mətbuatına istinadla xəbər verir ki, bu barədə “Fitch Reytinq Agentliyinin” hesabatında deyilir. Qeyd edilib ki, Bolqarıstan, Latviya, Sloveniya, Xorvatiya və Estoniya qaz təchizatı kəsilərsə, daha az zərər görəcəklər. Onların həm fəaliyyət planları, həm də alternativ təchizat təmin etmək imkanı var.

Litva, Polşa və Rumıniya Rusiya Federasiyası qazından daha az asılıdır. “Rusiyadan Avropa İttifaqına qaz tədarükünün tamamilə və qəfil dayandırılması “Fitch”-in əsas ssenarisində yer almayıb. Lakin bu, riskdir. Rusiya qazının Polşa və Bolqarıstana nəqli ödəniş mübahisəsi səbəbindən aprel ayında kəsilib. İyunun ortalarında Almaniya və İtaliyaya axın azalıb. “Qazprom” bunun səbəbini sanksiyalarla izah edib”,- deyə hesabatda deyilir.

Xatırladaq ki, Rusiya qazının Avropa İttifaqına tədarükünün tam dayandırılmasından sonra kompensasiyası üç ildən çox çəkə bilər. “Rusiya Avropaya qaz tədarükünü azaldır və təcavüzkarın mavi yanacağın tamamilə söndürəcəyi vəziyyət artıq inanılmaz görünmür. Ən böyük ölkələr belə indi Rusiya Federasiyasından tədarükün tamamilə dayandırılmasına hazırlaşmalıdırlar”,- deyə hesabatda bildirilir.

Xatırladaq ki, iyunun 3-də Avropa İttifaqı Rusiya Federasiyasına qarşı altıncı sanksiyalar paketinin təsdiqlənməsi prosedurunu başa çatdırıb. Sanksiyalar Aİ ölkələrinin Rusiya neftinin idxalından tədricən imtina etməsini nəzərdə tutur.

Siyahıya Rusiya Federasiyasının ən böyük bankı – Sberbank-ın SWIFT sistemindən çıxarılması da daxildir.

Bənzər yazılar

Back to top button