ABŞ Ukraynaya yeni modifikasiyalı əlavə HIMARS qurğuları göndərəcək
ABŞ prezidenti Co Bayden cümə günü Ukraynaya daha 400 milyon dollar dəyərində hərbi texnika, o cümlədən daha 4 daha təkmilləşdirilmiş HIMARS raket sistemi, həmçinin yeni növ dəqiq idarə olunan artilleriya mərmisi göndərilməsini təsdiqləyib. TURAN-ın Vaşinqton müxbirinin verdiyi məlumata görə, bu, Kiyevı Rusiyaya qarşı müharibədə texnoloji üstünlük verəcək.
Yardımın sonuncu tranşına həmçinin 3 taktiki maşın, döyüş sursatı, batareya əleyhinə sistemlər, eləcə də digər avadanlıqlar daxildir. Komplektə həmçinin 155 mm-lik 1000 yeni mərmi daxildir.
Pentaqonun yüksək rütbəli rəsmisi jurnalistlərə bildirib ki, silahlar Ukraynanın Donbasın şərqində Rusiya xəttinin arxasına daha dərin zərbələr endirmək səylərini dəstəkləyəcək.
Pentaqonun yüksək rütbəli rəsmisi jurnalistlərə bildirib ki, silahlar Ukraynanın Donbasın şərqində Rusiyanın arxasına daha dərin zərbələr endirmək səylərini dəstəkləyəcək.
“Yeni tip 155 mm-lik artilleriya sursatları daha dəqiqdir və ukraynalılara konkret hədəfləri vurmağa kömək edəcək. Bu, Donbasdakı döyüşdə Ukraynaya dəstəyimiz olacaq”, – deyə Pentaqonun sözçüsü bildirib: “Biz döyüş meydanında nə tələb olunursa, hazır olacağıq”.
ABŞ son 3 həftə ərzində Ukraynaya 2,2 milyard dollar dəyərində təhlükəsizlik yardımı edib. Ümumilikdə Vaşinqton Ukraynaya təhlükəsizlik yardımı üçün 8 milyard dollar ayırıb.
“Ukraynalılarda çoxlarının nəzərə almadığı bir iradə və ruh var”, – deyə yüksək vəzifəli məmur bildirib.
Ukraynalılar daha böyük düşmənə ərazi verdilər, lakin daha yaxşı müdafiə mövqeləri tutdular. Bu döyüş əməliyyatları növündə üstünlük müdafiədədir.
“Bu, böyük ordusu olmayan bir ölkədir, lakin bu ölkə bir çox hallarda hücumu saxlaya bildi və çox az ərazini verdi” deyə məmur bildirib.
