İqtisadiyyat

“Azenerji”nin tender hoqqası… – İLGİNC FAKTLAR

“Azərenerji” ASC yanğından mühafizə vəsitələri və ehtiyat hissələrinin satın alınması ilə bağlı elan etdiyi tenderin qalibini açıqlayıb.

Dia.az xəbər verir ki, 943 min manatlıq tenderin qalibi “Mix Pro” MMC-dir.

Xatırladaq ki, “Mix Pro” MMC bundan əvvəl Dövlət Dəniz və Liman Agentliyinin katriclərin satın alınması üzrə 9 156 manatlıq tenderin qalibi olub (29.06.2022).

Amma bu fakt əslində daha çox iz azdıran məqamdır… Nə mənada? Bu barədə dia.az-ın qısa araşdırması nəticəsində ortaya ilginc faktlar çıxır.

Aydın olur ki, “Azenerji” rəhbərliyi sən demə, “Mix Pro” MMC ilə çoxdanın tender partnyorudur və onların ortaqlığı hər iki trəə külli miqdarda büdcə pullarını mənimsəmə fürsəti tanıyır…

Bu barədə dia.az-ın geniş araşdırma yazısı var. Hələliksə şübhəli qalan “Mix Pro” MMC ilə “Azenerji” ortaqlığını ifadə edən iki faktı xatırladırıq və qeyd edirik bu ortaqlıq ifadələri onlarladır və nəticədə milyonlarla vəsait “Mix Pro” MMC-yə həvalə olunub.

***

8 may, 2021-ci il: “Azərenerji” ASC informasiya texnologiya avadanlıqlarının servis xidmətinə 140 min manata yaxın vəsait yönəldəcək.

“Azərenerji” “Mix Pro” MMC ilə müvafiq müqavilə bağlayıb.

Müqavilənin dəyəri 139 min 573,94 manatdır.

***

17 avqust, 2021-ci il: “Azərenerji” Açıq Tipli Səhmdar Cəmiyyəti tenderin qalibini elan edib.

Müxtəlif növ sərfiyyat mallarının satın alınması tenderində iştirak edən iddiaçıların qiymət təklifləri qiymətləndirib. Açıq tenderin qalibi “MİX PRO” Məhdud Məsuliyyətli Cəmiyyəti olmuşdur.

“Azərenerji” Açıq Tipli Səhmdar Cəmiyyəti qalibə 721 min 790 manat ödəyəcək.

İddia olunanlarla bağlı bütün maraqlı tərəfləri dinləməyə hazırıq…

Bənzər yazılar

Back to top button